Gujarat chemical factory blast te 1 jun morishe

New Delhi: Thursday din Gujarat’s Panchmahal district te chemical unit ekta te tangor explosion howa hatsa te ekta(1) labourer morishe aro dosura kam kora 15 jun neshina jokom paishe koikena khobor para janaishe. Etu blast toh 10 am samai Gujarat Fluoro-chemicals Limited (GFL) laga chemical manufacturing plant te hoishe, etu jaja toh Ghoghamba taluka osor Ranjitnagar bosti te howa ase, koikena Panchmahal Superintendent of Police, Leena Patil para khobor toh janaishe. “labourer ek jun morishe aro dosura 15-16 kam kora manuh jokom paishe etu nemite alag-alag hospitals te loikena jaishe. Konuba manuh khan logot burn injuries thakishe,” official kaun etu jaga te jaikena search aro rescue operation korishe, tai para janai thishe. “Etu factory te konuba manuh aro jokom powa manuh ase nai pesari ase. Jui toh itya control te ase,” Patil para aro koishe. Gujarat Fluoro-chemicals Limited (GFL) toh 30 saal neshina para fluorine chemistry kori ase. Etu jaga te fluoropolymers, fluorospecialities, refrigerants, chemicals aro dosura modern world laga saman bona jaga ase, koikena company’s website hesab te khobor toh janaishe.