Gujarat, 28 June 2025: Saturday din, Gujarat Congress Vice President Hira Jotva aru tai laka bacha Digvijay Jotva ke police dhori loishe, ekta dangor scam karone, juntu Mahatma Gandhi National Rural Employment Guarantee Act (MGNREGA) laka upor te ase. Police confirm kuri dishe ki etu dangor government poisa misuse kora hoishe, juntu rural employment karone allocate kora.
Bharuch Superintendent of Police (SP) Mayur Chawda koi dishe ki, etu mamla janibo paishe kitia DDO (District Development Officer) 56 ta gaon te ekta primary investigation start korishe. 11 ta gaon te survey kori thaka te pai jaishe ki government laka poisa ulta rasta te loi taka. Police te complaint file kuri dishe ki nakli document, illegal poisa transfer aru conspiracy kora ase.
SP Chawda koi dishe ki MGNREGA rule hisap te 60:40 ratio (labour aru material laka ratio) maintain koranai. Deputy SP laka team jaikina investigation kori thaka te pai jaishe ki bill te likha material aru actual laka material milanai. Kunba jagah te kaam bhi bhal pora koranai.
Police bhi pai jaishe ki Hira Jotva duita agency – Jalaram aru Murlidhar – alak manu laka naam te cholai thakishe. Poisa tai laka family member laka account te transfer korishe. Tai laka bacha, Digvijay Jotva bhi involved thakishe, aru tai laka private account te government paisa transfer hoishe.
Ekjon aru, Rajesh Tailor, juntu nakli document use kuri kina paisa uthai thakishe, tai bhi dhori loishe. Police etia aru manu besari ase juntu etu scam te involved ase.
SP Chawda koishe ki juntu manu etu mamla te involved ase,dhori lobo aru action lobo.
Add Comment