Ahmedabad, November 9 : Gujarat High Court para Thursday din te Delhi laga Chief Minister Arvind Kejriwal para March 31 te etu court ke challenge kurikina Prime Minister Narendra Modi laga college degree dikhabole request kora tu dismiss kuridisey. Gujarat High Court para etu koikina etu mamla ke dismiss kuridisey ki Gujarat University tu Prime Minister Narendra Modi laga college degree laga jankari dibole allowed thakanai. Gujarat High Court para 2016 Central Information Commission (CIC) order ke olta kuridiya picheyte ekta review plea darj kurisiley. CIC laga order para Gujarat University ke PM Modi laga collge degree dikhabole jaruri kuridisiley. CIC para etu order diya tu Kejriwal para Right to Information Act (RTI Act) laga under te ekta application diya picheyte thakisey.
Justice(nyay kora manu0 Biren Vaishnaw para Thursday din te ekta 18 page laga order te koisey, “ Etu court para etu faisla loisey ki ekta case te shamil thaka manu ke huna picheyte, etu manu para khali tai nijor laga kanooni upai hey pabo paribo aro kanoon te mojud thaka hisap te modod lobo paribo. Court para etu jani asey ki review manga tu kanoon te mojud thaka remedy jani thakisey. Hoilebi review application te, court laga agey te behes utha tu dikhikina etu case apply kora manu para kanooni modod pabole nimitey etu modod mangi asey naki koikina kobo naparey.”
Add Comment