Gujarat laga Junagadh dey kom se kom 30 bosti paarish karney cut off huishey

Gujarat, 2 July : Gujarat laga Junagadh district dey 30 bosti nishna cut huishey kitia tatey jawoley laga raasta khan paarish karoney paani dey submerge huishey, kitia Vanthali itu district dey 24-hour period dey 361 mm paarish record kurishey kuntu July 2 morning dey rukhishey, officials para kuishey. State laga Saurashtra aro southern region dey ten talukas 200 mm paarish logot bishi paishey 24-hour period dey kuntu karoney low-lying areas dey water-logging huishey, taikhan kuishey. National Disaster Response Force (NDRF) para ekta statement dey kuishey ki taikhan para Junagadh district dey Keshod dey ekta team ke manu khan ke motut kuriboley pathaishey kun itu disconnected raasta karoney haarina asey. Itu district dey affected talukas toh Keshod, Manavadar aro Vanthali asey, official para kuishey. State Emergency Operations Centre (SEOC) para share kuria data hisab dey, Junagadh dey Vanthali taluka toh 24-hour period dey 361 mm paarish paishey kuntu 6 a.m dey rukhishey. Itu piche dey Visavadar taluka (336 mm), Junagadh taluka (297 mm), Jungadh city (297 mm) aro Keshod taluka, kutey 24 hours dey 248 mm paarish record kurishey. Jaa 24 hours dey alag jagah kutey bhaari paarish ahia record kurishey itu toh, Surat laga Bardoli taluka (239 mm), Devbhumi Dwarka laga Khambhalia taluka (229 mm), Junagadh laga Manavadar (224 mm), Navsari district laga Navsari taluka (214 mm) aro Devbhumi Dwarka laga Kalyanpur taluka(200 mm). Sob dey, Saurashtra aro south Gujarat regions laga 10 talukas 24 hours pitor dey 200 mm upar paarish paishey. Itu State laga alag parts dey jaa 3 din para luina bishi paarish hui asey. NDRF kuishey ki taikhan para Saurashtra, Kutch aro south Gujarat laga alag parts dey 10 teams deploy kurishey, bhaari paarish aro resultant waterlogging karoney. Notably, India Meteorological Department (IMD) para Monday dey bishi districts karney ekta ‘red alert’ issue kurishey, Junagadh aro Surat milaina, Tuesday morning tak bhaari paarish forecast kurishey. Itu fresh forecast laga hisab dey, Gujarat laga alag parts dey, Tuesday aro Wednesday dey bhaari paarish ahiwo parey.