Gujarat legislator laga Dhanka Rs. 45,000 pora uthese

AHMEDABAD, SEPTEMBER 20 : Gujarat Legislators kan pora Wednesday din State Assembly te ekta bill manaise. Etu ke tai kan Legislator laga dhanka toh 1 moina te Rs. 45,000 pora uthaidebole manaise. Etubi aha sal February moina pora suru kurikena.Etu Gujarat Legislators kan laga dhanka toh asulte Rs. 70,727 ase. Huilebi edia toh 45,000 poisa thali kena Rs. 1.16 lakh debole kura huijabo. Aro etu hisabte 64 percent pora dhanka toh uthejua huise koi kena, khobor te janaise. Huilebi Ministers, Speaker, Deputy Speaker aro leader of Opposition kan laga dhanka toh Rs. 86,000 bai thaka edia toh Rs. 1.32 lakh huijabo. Etu hisabte 54 percent pora uthejua hobo koise.Tusera states kan kobi Uttarakhand, Telangana, Jharkhand aro Maharashtra laga Legislators logot toh Rs. 2.91 lakh, Rs. 2.50 lakh, Rs. 2.25 lakh aro Rs. 2.13 lakh hisabte (respectively) bai ase. Aro Bihar, West Bengal, Tamil Nadu aro Odisha kan laga Lawmakers kan nemite Rs. 1 lakh nesena bai ase. Etu kan hisabte Gujarat Legislators kan laga dhanka toh besi komti ase koi kena besi jun MLAs aro Opposition leaders aro Party leaders kan pora kotha ulaise. Etu karne etu dhanka kan toh 45,000 poisa pora uthai debole kurikena uthai diya huise koise.