Gujarat MLA Jignesh Mevani ke Assam Police para thurishe

Ahmedabad: Gujarat MLA Jignesh Mevani ke Assam Police para Ahmedabad te thurikena aji pujur Assam te loikena jaishe. Tai ke thura toh hoile Assam te BJP leader ek jun para Prime Minister Narendra Modi kelaaf te complaint hesab te thura ase. Jignesh Mevani ke Wednesday din Circuit House, Palanpur te 11.30 pm samai thurishe aro Ahmedabad te loikena jaishe. Arup Kumar Dey toh Kokrajhar, Assam laga BJP leader ase aro tai para complaint kora nemite thurishe. First Information Report (FIR) hesab te communities pithor te dusman olai-deya nemite ase. “Assam police laga officials document shared kora hesab te, Mevani para olop din akhe kotha hesab te FIR korishe. Hoilebi etu kotha toh Twitter para rokaishe. Etu kotha toh Nathuram Godse laga ase. Mevani ke Ahmedabad te loikena ahishe aro etu beche aji pujur Assam te air para loikena jaishe, koikena Mevani laga sati Suresh Jat para khobor toh janaishe. Tai ke thura khobor honikena Gujarat Congress president Jagdish Thakor aro dosura Congress leaders Ahmedabad airport te jaikena BJP government kelaaf te slogans koishe. Mr Mevani toh Dalit leader aro Rashtriya Dalit Adhikar Manch laga political party convenor ase aro tai toh independent MLA aro jowa saal Congress logot motob korishe. Mr Mevani toh Gujarat’s Vadgam jaga laga manuh ase aro tai toh lawyer activist aro former journalist ase. Tai laga Twitter account hesab te, April 18 darik te tai para posted kora toh authorities para request kora hesab te itya withheld te ase. Jowa saal September moina te Mr Mevani aro political activist & Jawaharlal Nehru University’s former students’ union leader Kanhaiya Kumar para Congress leader Rahul Gandhi logot press conference thakishe aro etu samai tai Congress party joined korishe aro etu samai Mr Mevani toh independent MLA thaka dak Mr Gandhi logot motob koribo aro etu beche tai congress joined koriboli janaishe.