National

Gujarat PMJAY racket scam 

January 19, 2025

Ahmedabad, January 18: Ahmedabad City police para Saturday din te Pradhan Mantri Jan Arogya Yojana (PMJAY) racket  laga connection te Khyati Multispeciality Hospital laga chairman ke arrest kurisey kotey “ekdam misamisi” angioplasty surgery kora homoitey duijun manu murisey. 

Ahmedabad Bariatrics and Cosmetics Pvt Ltd  laga majority investor aro chairman Kartik Jasu Manilal Patel kunlaga umar 59 years asey tai tu Ahmedabad laga Sardar Vallabhbhai Patel International Airport te pungcha homoitey arrest hoisey. 

Police para etu case khan register kurithaka homoitey Australia te thaka Patel bi Khyati Multispeciality Hospital laga 9ta malik majotey ekjun thakisey. Kotey last year November moina te  PMJAY scheme under te fake beneficiary card issue kora laga racket laga khulasa hoisey. Police para etu ageyte hospital laga dusra owner khan ke arrest kuriloisey. 

Patel tu November 13, 2024 te tailaga khilaf te 3ta FIR file hoikina 66 days huwa picheyte arrest hoisiley. 

Deputy Commissioner of Police Ajit Rajian pata The Indian Express ke confirm kurikina koisey, “Patel tu Dubai para Ahmedabad te ekta Emirates flight laga economy class te buhikina pungchisey.”

Patel, Australia te thaka nimitey, India para tailaga khilaf te Look Out Circulars (LOC) issue kurisiley.

Etu scam te investigation kora tu health department laga official aro Ayushman Bharat- Pradhan Mantri Jan Arogya Yojana – Mukhyamantri Amrutam (AB- PMJAY- MA) logotey contract te thaka private company laga employee khan logotey sajish kurikina fake beneficiary card bana laga alag case te loijaisey. 

Patel laga arrest tu tailaga khilaf te file kora 3ta FIR- ekta State para aro duita murija parivar Mahesh Girdhar Barot aro Nagar Moti Senma para laga case te bail application dikina thaka tu ekta local court para January 06 te reject kuridikina 12 days huwa picheyte hoisey. 

Patel laga opor te manu laga jaan jabole diya laga golti kora hoilebi murder nohoi, manu laga jaan jabole diya laga kosis aro poisa khabole nimitey  PMJAY scheme laga fraud kora laga iljam lagikina asey.