Gujarat te Civic Body Polls postponed

Ahmedabad: Saturday  din te Gujarat State Election Commission (SEC) para Gandhinagar Municipal Corporation elections April 18 darik te loboli thaka toh COVID-19 cases besi thaka nemite postpone koriboli fesla loishe, koikena officials statement para junaishe. Main political parties neshina BJP, Congress aro AAP aro dosura social group khan para request kora nemite Elections toh olop din nemite postponed koribo hoishe. Olop din akhe laga programme hesab te, Election toh April 18 darik te loboli thakishe aro vote counting toh April 20 darik te koriboli thaka ase koishe. Candidates khan para nomination papers filed korikena ase. “political parties sob laga representations te elections postpone koriboli ami khan hath te pongchise,” koishe. Dosura groups neshina NGOs aro citizen organizations khan para be itya samai election loboli toh mana korishe. Chief Minister Vijay Rupani para Friday din te SEC logot Gandhinagar civic polls toh postponed hoboli koishe. SEC, Mr Rupani logot letter deya te koishe ke, jani ase ke aro neum para political leaders aro tai khan laga supporters khan poll campaigning samai manuh besi jama koribo. Itya dak Gujarat te sob melaikena bemari cases toh 3,37,015 ase aro April 9 darik dak te 4,697 manuh morikena ase koikena etu khobor toh health department para janaishe.