NEW DELHI: 2002 para 2006 majote Gujarat te Justice HS Bedi committee para several fake encounters laga cases investigate kurishe. Etu investigations te 17 cases para teenta te police officials prosecution recommend kurishe.
Justice Bedi para tai laga final report te top court ke koishe etu teenta manu Sameer Khan, Kasam Jafar aro Haji Haji Ismail toh Gujarat Police officials laga fake encounters te muraidia laga prime facie ase.
Committee para etu fake encounters te total nouta police officials khan ke arrest kurishe etu te teenta rank officials khan bhi ase.
Etu cases te hoile bhi kun IPS officers khan ke prosecute kora recommend recommend kura nai. Court para Justice Bedi ke Gujarat te 2002 para 2006 majote huwa fake encounters monitor kuribole laga committee chairman banaishe. Justice Bedi toh ex-Supreme Court Judge thakishe. Panel para tai khan laga report toh top court ke submit kuri dishe. Etu report toh jua saal February te sealed cover te hali kena dishe.
January 9 te Chief Justice Ranjan Gogoi para head kora bench para Gujarat government laga plea toh reject kurishe. Gujarat government plea kurishe ke committee laga final report toh confidential rakibole koi kena thakishe. Aro government para plea kuriselay ke order toh petitioners ke dibole, etu toh poet aro lyricist Javed Akhtar ke bhi dibole koishe.
Sameer Khan laga case deal kora te committee pra duita inspector KM Vaghela aro TA Barot opor te prosecution recommend kurishe. Etu toh murder offence aro dusra relevant offence nimite ase.
Police hesab te Sameer Khan aro tai laga cousin toh police constable ke stab kurishe. Etu nimite constable toh spot te he muri jaishe. Etu ghatna toh May 1996 te hoishe. Sameer laga cousin toh arrest hoishe aro Sameer toh spot para polaishe.
Police etu pichete koishe Sameer toh Pakistan te polai jaishe. Aro tate tai terror group Jaish-e-Mohammad (JeM) logote para training loishe aro wapas India te Nepal side para ahi jaishe. Police para khobor diya hesab te 2002 laga Akshardham Mandir hamla pichete Sameer Khan ke Pakistan-based JeM operative para direct kurishe Ahmedabad te jai kena etu samay laga Chief Minister Narendra Modi ke murabole direct kurishe koishe.
Add Comment