March 31, 2024: Sunday din, taikan laka Indian Premier League match deh Gujarat Titans para Sunrisers Hyderabad keh harai di shae 7 wickets para. Sunrisers Hyderabad para 163 runs laka target banai shae aro GT kan pastha ball baji nah chase tho kotom kuri di shae. Sai Sudharsan tho top scorer taki shae 45 runs mari nah. David Miller aro Shubman Gill para respectively 44 aro 36 runs mari shae.
Sunrisers Hyderabad laka captain, Pat Cummins toss tho jita nah bat kuri bole elect krui shae. Taikan laka betters kan starts tho pai shae hoile b dangor score deh bana bole para nai. Taikan keh 162/8 deh rukai di shae.
Heinrich Klassen para 13 balls deh 24 runs mari shae. Abdul Samad (14 balls deh 29 runs) para kun bah lakia boundaries kan marai shae SRH keh utah bole pari shae. Abhishek Sharma para 20 balls deh 29 runs mari shae. Mohit Sharma para tuita wickets uthai shae tuita balls deh.
Add Comment