New Delhi, 6 November : India laga top chess players FIDE World Cup 2025 te dangor performance dikhaise, juntu te Grandmasters D Gukesh, Arjun Erigaisi aru Pentala Harikrishna Round 3 te agotu jaise, aru Diptayan Ghosh World Blitz Co-champion Ian Nepomniachtchi ke harai ekta dangor surprise di dise.
Gukesh Kazakhstan laga Kazybek Nogerbek ke 1.5 – 0.5 score te harai loise, aru Erigaisi Bulgaria laga Martin Petrov ke 2-0 te harai next round te jaga pakai loise. Harikrishna bhi agotu jaise, GM Arseniy Nesterov ke harai loise aru next match te Daniel Dardha aru Grigoriy Oparin laga winner logot face koribo.
Etiya Diptayan Ghosh chess world ke shock di dise, karon tai Ian Nepomniachtchi ke black pieces use kori 1.5 – 0.5 te harai loise — etu tai laga career te sabse dangor jeet ase. Ghosh laga etu jeet, juntu World Championship duibar challenger aru World Blitz co-champion ke harai loise, tai ke Round 3 te jaga dibo confirm korise.
FIDE World Cup 2025 Goa te cholise, juntu te players compete korise FIDE Candidates Tournament 2026 te jaga paibo karone — juntu tournament te agota World Chess Championship laga next challenger decide hobo.
Add Comment