Moscow, June 24, 2024: 15 opor police officers aro bishi civilians, ekta orthodox priest kae milai na, murai dishey armed militants para Russia laga southern republic Dagestan tae Sunday din, governor Sergei Melikov para koishey ekta video statement tae Monday early morning tae, June 24, 2024.
Etu gunmen khan para open fire kurishey tuita Orthodox churches tae, ekta synagogue aro ekta police post tuita cities tae, authorities laga esab tae.
Russia laga National Anti-terrorist Committee para describe kurishey etu attacks khan Muslim region tae armed insurgency laga history logot etu terrorist khan act kura laga.
Monday, Tuesday aro Wednesday toh declare hoishey mourn kuribole laga din khan etu region tae.
Dagestan laga Interior ministry para koishey ekta group armed hoi kina thaka laga shoot kurishey ekta synagogue aro ekta church tae Derbent city tae, kuntu locate hoi kina ase Caspian sea tae. Etu tuita church aro synagogue jui thurishae, stte media laga esab tae. Aro etu logotae, reports ahishey ekta attack laga ekta church aro traffic police post tae Dagestan capital, Makhachkala tae.
Russian state news agency Tass para cite kurishey lae enforcement sources khan koi kina ekta Dagestani official toh detain hoi kina ase tai laga bacha laga involvement hoa laga etu attacks khan tae.
Add Comment