Gurpreet Singh pora sliver jetise

Agencies, 14 September: Senior men’s pistol event de Gurpreet Singh pora silver jeti kena ase. Hoilebe centre-stage de control kori kena thaga toh India’s junior shooters ase. Junior men 25m standard pistol event de Vijayveer Sidhu pora 16 shot mari kena gold toh Rajkanwar Singh Sandhu aro Adarsh Singh logode meli-kena lowah thakise. Medals tally de India third jaga de ase. India pora 27 medal lobule pari kena thaga toh, 11 gold, nine silver aro seven bronze medals ase. Thursday din 25m pistol laga de Sidhu toh fourth pora kothom howah thakise. Tai Korean Lee Gunheyok (570) aro China’s Haojie Zhu 565) laga agae de 572 svore lobule pari kena kothom howah thakise. Team competition de, Sidhu, Sandhu (564) aro Singh (559) toh meli-kena total 1695 pora top de thakise. Tai khan laga nejide Korea (1693) aro Czech Republic (1674) toh silver aro broze lowah thakise. Senior competition de, Gurpreet Singh pora silver lobule pari kena ase. Tai 579 pora Ukraine’s Pavlo Korostylov (581) nejide second pora kothom howah thakise. Bronze medal toh Koreas Kim Junhong pora lowah thakise. Team even de India forth de kothom hoise. Etu toh Gurpreet, Amanpreet Singh (560) aro London Olympics silver-medallist Vijay Kumar (560) meli-kena 1699 score pora forth de kothom howah ase. India’s junior women’s skeet team toh fourth de kothom hoi kena ase. Simranpreet Kaur, Parinaaz Dhaliwal aro Areeba Khan meli-kena total 318 thakise. Tai khan kun be individual finals de na-para thakise. Tokyo 2020 Games nemide India pora tuita Olympic quota lobule pari kena ase. Etu quota de lobo para toh Anjum Moudgil aro Apurvi Chandela ase. Tai jun women’s 10m air rifle event de fourth pora kothom hoi kena silver jeta thakise.