Gurugram te oxygen napa nemite 25 umer suicide korishe

Gurugram: Saturday din Manesar te Haryana para 25 umer manuh ek jun tai laga ghor manuh oxygen cylinder napa nemite oxygen gas plant opposite public park te nejor hang hoikena morishe. Khobor para koishe ke, etu manuh laga ghor manuh toh Gurugram’s hospital te admitted hoikena thakishe aro etu manuh toh Saturday pujur para oxygen cylinder loboli nemite kara kori thakishe. Mora manuh laga nam toh Dharmender aro tai toh Uttar Pradesh laga Kannauj jaga para ase koishe. Police laga khobor hesab te, mora manuh para toh suicide note te maiki ek jun laga nam lekishe aro etu maiki nemite tai para etu kam toh korishe. “mora manuh laga pocket para suicide note ekta paishe aro maiki manuh ek jun laga kam nemite tai para suicide toh koriboli fesla loishe. Etu mora manuh para suicide note te tai laga ghor manuh kaun laga nam be lowa nai nahoile oxygen cylinder nemite be eku kotha lekina thaka nai,” DCP (Manesar), Varun Singla para IANS logot janaishe. DCP para koishe ke, mora body toh mortuary te rakina ase aro etu khobor toh tai laga ghor manuh logot janaishe.