Guwahati 5 May: Government Railway Police (GRP) laga team ba duita manu kan deh durishey ganja logot Guwahati laga railway station ba ekta routine inspection Friday evening deh kura time deh.
Source kan ba kuishey ke ekta tip-off laga karan etu search operation toh officials kan ba start kurishey. Team ba Train No 14620, Coach No H1 deh thik ba Guwahati Railway Station laga Platform No 2 deh around 5:30 deh checking kurishey.
Duita manu ke suspect thakishey aro taikan duijun ke checking kura time deh taikan laga haat ba 90 kilogram (89.1 kg) laga marijuana paishey police ba.
Investigation kura time deh taikan laga naam toh Yogesh Kumar (32) aro Om Prakash (25), duijun bi Bihar, Madhubani district laga Narar village laga resident thakishey.
Duijun ke bi train ba arrest kuridishey aro taikan laga consignment saatha packet deh chuoaina thaka bi seize kuri luishey. Taikan ke policeba push tash kura time deh taikan ba kuishey ki taikan toh Agartala, Tripura ba Bihar jai thakishey kuishey. Marijuana laga asli origin toh police kan ba verify kuriwoley start kurishey.
Add Comment