GUWAHATI | NOV 12, 2019: National Investigation Agency (NIA) para Monday din te proscribed ULFA (Independent) laga aata membersa laga khilaaf etu sal May Guwahati laga shopping mall te huwa blast kuntu te 12 jun jhokom paishe tai khan uporte chargesheet file kurishe.
Tai khan koishe etu accused para RG Baruah Road Central Mall Guwahati te thaka troops khan ke target kurishe.Etu hamlaa te 12 jun jhokom paishe.
NIA khan para etu case toh paanch moina chan bin kurishe aro koishe etu laga main accused, Pappu Koch Bokoliyal, toh ekta ULFA (I) terrorist ase aro tai para grenade phekaishe.
Etu chan bin kura time te janishe ki etu accused etu terrorist acts kuribole nimete involve thakishe.
NIA para tai khan uporte criminal conspiracy nimete chargesheet kurishe aro terrorist acts aro unlawful activities aro India laga khilaaf war kura arms aro ammunition thurikena thaka ULFA (I) terrorist ke modot kura aro ULFA (I) terrorists logote milikena thaka nimete chargesheet file kurishe.
Tai khan ke UAPA (Unlawful Activities (Prevention) Act) laga section bithor booked kurishe.
Add Comment