Guwahati High Court Para 935 Constable Khan Laga Appointment Toh Reject Kuridishey; Fresh Recruitment Kuriboley Order Dishey Koishey

September 21, 2024, 05:00 PM : Ekta major setback tey, itu state government nimitey, itu Gauhati High Court, Kohima bench para toh hoiley 935 police constable khan laga appointment toh reject kuri dishey, kun khan ke January 2018 aru October 2019 tey recruit kuri kena thakishey, eku advertisement nadi kena. Itu court laga ruling toh hoiley Friday tey issue kurishey, Justice Devashis Baruah para, itu state government ke direct kuri kena, ekta fresh recruitment laga process shuru kuriboley koi kena, itu post khan advertise kuri kena, prominent local newspaper khan tey. Itu verdict toh hoiley ekta writ petition tey jawab ahishey, “unemployed youth” para file kuri kena, Kohima aru Chumoukedima district para, 2022 tey. Itu petitioner khan para appointment challenge kurishey, argue kuri kena ki, tai khan ke arbitrary banai di kena thakishey koi kena, “back door appointment” para, eku bhal para advertisement khan nadi kena. Justice Baruah para order dishey ki, itu fresh recruitment toh hoiley para tak juldi para loboley koishey, choi muhina bhitor para, aru koishey ki, itu notun process tey, legal procedure khan follow kuriboley lagibo koishey, itu advertisement khan laga issuance khan bhi milai kena, bishi para newspaper khan tey circulate kuri kena.