GUWAHATI | April 4: Guwahati laga ekjun BJP candidate, Queen Ojha, toh diktar te bhasi se kile koile ahiya Lok Sabha election laga nomination nimite tai pora misa educational qualification documents dise.
Ojha pora Guwahati laga Amingaon te Lok Sabha laga returning officer laga aagete file koriya ekta affidavit te koise ki tai pora higher secondary toh 2011 te Krishna Kanta Handique State Open University (KKHSOU) pora khotom korise koikena.
Hoilebi, etu University pora koise ki tai khan pora ketiya bi higher secondary (HS) course nahoile etu logote miliya course toh diya nai.
KKHSOU registrar, Dr Amarjyoti Choudhury, pora koise ki etu university toh pohoila HSLC te fail howa manu khan nahoile degree burhi bole mon jowa manu khan ke ‘Bachelor Preparatory Programme’ (BPP) diye thakise. Hoilebi, etu university pora BPP course toh twei saal aagete hatai dise.
News 18 logote kotha koriya samoy te, Ojha pora koise ki tai pora state laga manu han nimite jowa 35 saal karne kam kori thakise aro tai toh politically educated ase koise. Tai pora koise ki affidavit lekhiya samoy te konoba galdi toh hobo pare hoilebi etu toh kotha koriya bicchete doori kori dibo.
Etu samoy te, Congress candidate Bobbeeta Sharma aro Upamanyu Hazarika, ekjun independent candidate, ekki constituency pora khara koriya pora koise ki tai khan pora etu laga mamla toh Election Commission logote kotha koribo.
Bobbeeta Sharma pora bi tai laga lawyer laga haat pora modot mangise ki etu mamla pora kanun hisabte Ojha laga nomination hataibole paribo na nai koikena.
Add Comment