Guwahati, February 02 : Guwahati laga Nehru Stadium tu joldi FIFA Olympic level football ground te upgrade hobole asey. Etu jankari tu Assam Chief Minister Himanta Biswa Sarma para February 2 te ekta press meet te disey.
Etu project laga kotha kurikina, CM Sarma para koisey ki sarkar tu Rs 831 crore poisa khorcha kurikina Nehru Stadium ke ekta FIFA Olympic football ground te upgrade kuribole bisari asey. Etu bi koisey ki etu sports complex tu pura Northeast India te sobsey dangor wala hobole asey.
Assam CM para enaka koisey, “Amikhan para Nehru Stadium ke FIFA Olympic football ground laga standard te upgrade kuribole mon asey. Tatey ekta main football ground aro ekta trial football ground thakibole asey. Etu te Rs 831 crore poisa khorcha hobole asey. Etu tu pura eastern India te sobsey dangor sports complex hobole asey koikina bi koisey.
Assam CM para enaka koisey, “Amikhan para Nehru Stadium ke ekta FIFA Olympic football ground laga standard te upgrade kuribole mon asey. Tatey ekta main football ground aro ekta trial football field thakibole asey. Etu te Rs 831 crore poisa khorcha hobble asey. Enaka dangor sports complex tu kitya bi thakanai. Assam laga sports association laga sob office tu tatey thakibole asey. Ami tu bar bar Northeast nohoikina eastern India word tu cholai asey. Etu tu Bengal, Odisha, Bihar Jharkhand majotey sobsey best hobole asey…etu tu next sports complex hobole asey.”
Etu dangor project tu development project laga hisa asey. Etu laga foundation stone tu Prime Minister Narendra Modi para February 4 te Assam te visit kuribole homoitey dhalibole asey.
Etu ekey din te, CM Sarma para etu bi koisey ki National Games rakhibole nimitey Chandrapur te ekta multi facility sports complex banabole asey.
CM Sarma para koisey, “National Games kuribole nimitey Chandrapur te multi facility sports complex banabole asey. Etu nimitey Prime Minister para foundation stone dhalibole asey.”
Etu project khan tu development project laga hisa asey kun laga foundation stone ke PM Modi para February 4 te Assam visit kuribole homoitey dhalibole asey. PM Modi tu Guwahati te Rs 11,000 crore para bisi kimat laga project laga foundation stone dhalibole asey.
