Guwahati, June 06: Guwahati laga ekta maiki ke s]gola dabai na moraidishey tai laga mota para, tai toh tai laga amma logot phone deh kota kuri thakishey. Etu incident para serious concerns raise kurishey domestic violence aro infidelity laga community deh. Ekta horrifying incident, deh Sanjay Kanu koina Owaisi Apartment laga resident, Guwahati laga Kala Hills deh thaka para tai laga maiki ke strangle kurishey. Tai laga maiki laga naam toh Sarita Kanu takishey aro taike Tuesday rati deh gola dabaina muraidishey. Murder toh jitya Sarita call deh tai laga amma logot deh tai laga mota laga extramarital affair laga khota kuri thakishey, titya tai laga gola dabaina moraidishey. Police laga report hisab deh, etu tragic event toh jitya Sarita Kanu para tai laga mota laga affair laga khobor toh tai laga ama ke phone deh kui takishey, titya Sanjay Kanu para tai laga maiki ke gola dabaina muraidishey, khota toh khotom kuribo diayanai. Enaga kurina Sanjay para Sarita laga phone luishey aro tai laga amma ke inform kurishey ki tai para Sarita ke moraidishey. Etu shocking khobor pa peche deh Sarita laga amma para direct police ke notify kurishey. Fatashil Ambari police station para officers kan scene deh punjishey aro Sarita laga body paishey. Following day deh Sanjay Kanu ke arrest kurishey ekta case registered hwa peche deh Sarita laga ama para FIR lodge kurina. Interrogation laga dwaran Sanjay Kanu para confess kurishey murder laga. Sarita laga family members kan para serious accusations kurishey Sanjay laga against aro koishey ki tai toh multiple illicit relationships kan deh involve takishey aro tai para Sarita ke bishi diri para physical abuse aro mental abuse kuri thakishey. Duita minor bacha laga amma, Sarita Kanu laga body toh tai laga family ke hand over kuridishey post mortem kura peche deh.
Guwahati manu para tai laga maiki ke moraidishey affair leak kura karney
