Guwahati, 14 January : Guwahati te Coca-Cola FIFA World Cup Trophy Tour host kora hoise, Sunday din te, aru Barsapara Stadium te 10,000 laga besi football fan ahise.
Itu event te fans khub rare moka paise FIFA World Cup Trophy tu nikha pora sabole aru itu logote photo lobole. Itu din te Brazil laga former international player aru FIFA World Cup winner Gilberto Silva bhi present thakise aru audience logote interact korise.
Mention korise ki India tu 200 laga besi desh majot pora matro 30 desh select kora hoise Trophy Tour karone.
Magh Bihu celebrations laga logote coincide hoile bhi, organisers koi dise ki public participation khub strong ase, jitu Assam aru pura Northeast region te football laga dangor culture reflect kore.
Event te kotha koi thakishey, Greishma Singh, Vice President (Marketing), Coca-Cola India aru Southwest Asia, koi dise ki FIFA World Cup Trophy tu aspiration, belief aru excellence laga symbol ase.
Shantanu Gangane, Senior Director, Integrated Marketing Experience, Coca-Cola India, koi dise ki 12 saal pichete India te trophy anibo tu khub significant moment asil aru itu India laga global sports culture te growing footprint highlight kore.
Pichete, Gilberto Silva gathering ke address kori, Indian football fans laga enthusiasm praise korise aru koi dise ki Guwahati event te warmth aru energy dekhi India laga football logote strong connection bujha jai.
Coca-Cola officials bhi koi dise ki Trophy Tour tu India te football culture promote koribo karone broader efforts laga ekta part ase, jitu fan engagement initiatives aru international sporting collaborations laga through te kore
Add Comment