JULY 17, 2020: state chief secretary Kumar Sanjay Krishna para Guwahati lockdown toh uthaidibole nimete Guwahati te thaka manu khan laga opinions khan mangishe.
Etu khobor paa toh olop akhe te state health minister Himanta Biswa Sarma para kuwa pichede Guwahati te Unlock 1.0 laga process toh phases hisaab te thakibo.
Sarma para Guwahati Thursday din te media logote kotha kura samay te koishe .tweet te Chief secretary koishe”Assam te Covid 19 cases bishi utha nimete etu bi Guwahati te apuni khan ki bhabona kuri ase Unlock 1.0 nimete?”
Etu report file kura t ak te tweet para komti hoilebi 1000 replies etu te kunba section khan para lockdown uthabole nimete kotha kurishe aro dusra section para aro bi olop din aro haafta para uthabole nimete kotha kurishe.
Etu tweet te aro bi alag alag suggestion khan dishe etu te ki kuribole lageh etu ‘mandatory’ social distancing chulabole nimete city toh unlocked thaka samay te .
Kunba users khan aro bi koishe ki government imposed lockdown nohoikena manu khan self-imposed lockdown kuribole lageh aro government khan business khan khulibole dibole lageh kile koile toh lockdown para economy ke biya kuridiya nimete.
Aro etu uporte kunba users khan government laga khilaaf kurishe etu bi lockdown toh chuli thaka nimete.
user named Sachin Jain para koishe “Aji tak government khan para lockdown toh nijor para kuri thakishe etia tai khan public ke kile hudi ase apuni khan ki kuribole mun ase kuribi kile koile toh ami khan okobi nai kile koile ami khan ghor bhara, school laga fee, light laga bill phone nohoile mobile bill dibole hi ase.”
Etia etu toh government laga up court uporte hi ase aro thik samay te hi janibo judi etu Guwahati laga lockdown toh chuli thakibole nai uthai dibo phase hisaab te Monday para shuru kurikena .
Add Comment