Haat dhurina, Baab aro bacha Train raasta agey dey ghumaina murishey

Mumbai, 9 July : Ekta baab aro tai laga mota bacha, ahi thakia train laga raasta dey ghumaishey aro aathmatia kurina murishey, Maharashtra dey, ekta disturbing video dey dikhi paishey. Itu ghatna toh Bhayandar railway station para report kurisheh, kuntu Mumbai para 32 kilometers jaina asey. Itu baba aro bacha, video dey dikhia, itu platform dey pirai thakia time dey ekjun ekjun ke khota kui thakishey kitia ekta train platform cross kurishey. Itu platform laga end pahunjina, itu tuita niche namishey aro tracks cross kurishey. Eki logot haat dhurina, itu duo tracks cross kuria dikhi paishey aro railway tracks dey ghumai jaishey kitia train osor ahi thakishey. Olob second piche dey, itu train para taijun upar dey runover kurishey, itu video para dikhaishey. Itu ghatna toh Monday dey 10.30am nishna dey huishey, Bhayander railway station laga platform number 6 dey, Palghar district dey ekta local train Bhayandar station jaa piche dey. Itu train toh Virar para Churchgate tak jai thakishey. Itu victims toh Jay Mehta (35) aro tai laga baba Harish Mehta (60) kuina identify kurishey, taijun bhi Nalasopara laga residents. Itu aathmatia laga kaaran itia tak jaani painai aro police para accidental death laga ekta case register kurishey aro ekta investigation launch kurishey.