Haiti’s northwest coast deh mathi hela pora 11 jun moraidese

Port-au-Prince, 07 October: Saturday rati northwest coast Haiti deh 5.9-magnitude mathi hela thakise. Etu pora nai-nai koilebe 11 jun moraidese aro Caribbean nation de building khan beya koridese koi-kena authorities pora janaise. US Geological Survey khobor hesab de, ashol mathi hela toh Port-de-Paix laga city pora 19 kilometres dur jaga de hoise. Eddy Jackson Alexis pora AFP logode etya tak 11 morise koi-kena khobor janaideya thakise.  Saturday 8:10 pm deh mathi hela toh 11.7 kilometres nejide jai kena hela thakise. Haiti laga capital Port-de-Prince deh mathi hela toh kom powah thakise aro tati laga manu khan 2010 deh ektum beya mathi hela pora etya tak shock de ase. Kelay koile etu time deh 200,000 manu moraideya aro 300,000  manu jokhom pai kena thaga pora.Tweet deh President Jovenel Moise pora Hatians khan ke dhanda hobole kowah thakise aro local aro regional authorities logode motob lagi thaga khan ke motob koribole janaise.  Saturday deh deri hoi kena Haiti’s civil protection agency pora jokhom powah khan hospital de sai (treat) ase kowah thakise. Social media deh building khan beya howah photo khan toh thakise. Hoilebe AFP khan etu khobor hosa ase na mesa ase joldi jani na-powah thakise.