May 24, 2024: Hostages aro Missing Families Forum kan para sickening footages kan release kuri shae. Footages kan Hamas terrorist kan pastha maike soldiers kan keh line up kuri taki shae, October 7 laka hamla time deh. Gunmen laka bodycam footage deh, maike soldiers kan keh handcuff kura aro wall laka against dakai dia tho diki shae. Soldiers laka osor deh aro, taikan laka mura comrades kan laka body kan taki shae. Maike kan tho jokom kai nah taki shae aro taikan laka shakal deh kun kan b taki shae.
Maike kan tho Gaza Strip deh taka Nahal OZ Base deh operate kuri taki shae. Taikan tho Liri Albag, Karina Ariev, Agam Berger, Daniella Gilboa aro Naama Levy ase kui nah identify kuri shae.
Video deh gunmen kan taikan laka plans announce kuri taki shae, maike kan keh sexually assault kuri bole. “Pregnant kuri bole para maike kan tho etu kan ase,” gunmen ekta para kui shae. “Apni bishi sundor ase.”
Video kuto Nahal Oz base laka bomb shelter pitor deh lui shae, etu deh terrorist kan jokom kah soldiers kan keh inspect kuri taki shae. Mota kan para taikan keh “kuta” mati shae aro taikan keh photos karne pose kuri bole order di taki shae. Ekta maike para terrorist kan keh kun bah bisari b kui taki shae, kun taikan lokot deh English deh kotha kuri bo. Alak ekjun para Gaza deh tai laka sathi kana se kui shae.
Gunmen kan ekbar karne rukhi shae, pratna kuri bole. Etu piche deh, taikan keh gari laka pichae deh dali shae. Background deh goli kan mara huni taki shae. Kun bah maike kan keh bira bole b para taka nai. Maike kan pitor deh taka gari tho piche deh olai jai shae.
Add Comment