November 2, 2023: Ekta Hamas official para organization tho October 7 laka hamla kuri taka b kui shae country keh destroy nakura tak. Tai para Israel tho taikan laka mati deh jaka nai kui shae. Militant group laka decision-making political bureau laka ekta member, Ghazi Hamad para etu warning tho October 23 Lebanese television interview deh di shae. Tai para Hamas, taikan laka October 7 hamla tho kuri taki bo kui shae.
“al-Aqsa Flood tho first time heh taki shae, second time, third time, forth time b taki bo. Kile koile mukan laka pitor deh determination, resolve aro kile bole capabilities kana se,” Hamad para kui shae. Tai para aro Hamas tho price ekta pay kuri bole ready ase kui shae.
“Israel ase, mukan nahoi. Mukan heh victim kana se. Etu karne kun b mukan keh kuri shae, tate kun b am ikan keh botnam dibo nalageh. October 7, October 10, October 1,000,000 – mukan ki kureh sob justified ase,’ tai kui shae.
Alak kobor deh Hamas-run government para kom seh kom 195 Palestinians kan muri shae kui shae Israel laka hamla deh. Israel kan para Tuesday aro Wednesday din deh Jabalia refugee camp deh hamla kuri shae. Jabalia camp tho Gaza laka sobse dangor refugee camp ase. U.N human rights officials para etu tho war crimes b hobo pareh kui shae. Enaka hamal hua tho foreign nationals kan aro besieged Gaza Strip para ola bole ready kuri ase.
Wednesday din Israel, Egypt aro Hamas majo laka deal pitor deh 500 nishi nah manu kan Egypt deh cross kuri shae. Tateh kom seh kom 320 manu kan foreign citizens kan taki shae. Australia, Austria, Bulgaria, Czech Republic, Finland, Indonesai, Italy, Japan, Jordan , United Kingdom aro United States laka passport taka kan evacuation deh taki shae.
Gaza border officials kan para border crossing tho aro Thursday din deh kuli bo kui shae foreigner kan bahar jabo dibo karne. Diplomatic course isap deh 7,500 lokot deh b upor forign passport holders kan tuia hapta pitor deh Gaza para ola bo kui shae.
Add Comment