June 7, 2024: Gaza deh Israel lokot deh ceasefire taki bo karne aro hostages aro prisoner exchange laka dia plan deh, : Hamas kan itia b jawab dia nai, Qatar laka foreign minister spokesman para Thursday din deh kui shae.
“Sobse latest proposal laka mamla deh mediators kan itia b, Palestinian Islamic Resistance Movement (Hamas) laka hath para ekta jawab pah nai,” Majed al-Ansari para Qatar laka state news agency keh kui shae. “Hamas kan para taikan itia b proposal tho study kuri ase kui nah indicate kuri shae, Ansari para kui shae. Tai para mediation efforts tho itia b chalu ase kui shae.
Qatar kan United States aro Egypt lokot deh, engaged hui nah ase, negotiations deh. EWtu negotiations kan Gaza deh ceasefire ani bole laka mamal deh ase. November mohina deh ekta sath din laka pause shuru hui shae kuto para ekso nishi nah hostages kan keh release kuri shae. Etu chari nah, jakara deh ekbar b rest taka nai.
Add Comment