May 31, 2024: Thursday din deh Hamas kan para itia hua aggression time deh negotiate nakuri no kui shae, hoile b Israel kan war tho rukai shae koile tho, taikan, ekta complete agreement karne ready ase kui shae. Tateh hostages aro prisoners kan laka exchange ase. Etu tho Hamas kan taikan laka mediators kan keh kui shae.
Egypt aro Qatar kan bishi ba koshish kuri nah ahi ase, Israel aro Islamist movement majo deh ekta ceasefire ani bole, hoile b tuita side b ekjun ekjun keh botnam di taka tho progress eku nah hui shae.
International Court of Justice (ICJ), kuto U.N laka top court ase, taikan para Israel kan keh offensive tho rukai d b kui nah order di shae. Hoile b Israel kan etu order pai nah b, offensive tho kuri ase. Enaka hua time deh Hamas laka sobse nutun statement tho ahi ase.
“Aggression, siege, starvation aro mukan laka manu lah genocide hua time deh, Hamas aro Palestinian factions kan etu policy laka part hobo leh accept nakuri bo,” Hamas laka statement para kui shae.
“Aji, mukan mediators kan keh mukan laka clear position tho janai di shae. Occupation kan, mukan laka manu lah against, taikan laka war aro aggression rukai di shae koile tho, mukan ekta complete agreement punchi bole ready deh ase,” taikan add kuri shae,
Add Comment