Hamas khan kunba hostage charibo leh propose kuri shey nutun talks te

Hamas, 18 May 2025: Hamas khan proposed kuri shey aro hostages charibo leh nutun Gaza ceasefire deal laka under te. Nutun negotiations kura pichideh Sunday din te. Talks toh shuru hoi shey Israel laka military khan nutun major new offensive launch kuri kina olop ghanta pichideh Gaza Strip te. Hamas khan manzor kuri shey nouta hostages ke charibo leh exchange te 60 din truce karne aro Israel khan Palestinian prisoner charibo leh, Ekta Palestinian officials pra BBC ke koishey. Official pra koishey nutun proposed deal toh 400 aid trucks laka entry allow kuribo ek din te, aro medical patients laka evacuation b Gaza pra. Israel taikhan laka turn te, life laka proof demand kuri shey aro detailed information sop bacha hostages laka. Nutun round ceasefire talks laka toh Qatari aro US mediators laka bitor te jai ase Doha te aro Saturday din te shuru hoishey. Israel khan echa b jawab di nai publicly proposed deal opor te, Hoileh b talks laka prior te taikhan pra koishey troops toh withdraw nakuribo Gaza pra aro war toh khotom kuribo leh commit nakuribo. Proposal toh etu elements khan include nakuribo, BBC pra buji shey. Israeli military khan pra nutun offensive named ‘Operation Gideon’s Chariots’ koina launch kuri shey earlier Saturday din te, Gaza te strikes laka deadliest wave hwa time te months te. At least 300 manu ke murai dishey Thursday din pra, rescuers pra janai dishey. Hospitals te aro refugee camps khan te milai kina north aro south te Strip laka. Thousands muri jaishey Israel khan pra hamla aro shuru kuri kina 18 march pra, fragile ceasefire deal toh khotom hoi kina kun toh duita months last kuri shey.