Egypt aro Qatar laga officials khan para baat-chit kora tu success huwa picheyte Saturday din te 3jun Israeli hostage(bandi hoikkina thaka manu) Israeli-Argentine Yair Horn, Israeli-American Sagui Dekel-Chen aro Israeli-Russian Sasha Troufanov ke release kuridisey. Etu bandi hoikina thaka manu khan, kun ke October 7, 2023 te huwa ekta hamla te Hamas militants khan para dhurikina loijaisiley, taikhan ke Red Cross laga International Committee ke hand over kuridisey. Etu picheyte etu International Committee para taikhan ke Israel laga sipahi ke loijaisey. Military para janaisey ki etu azad kuridiya manu khan etya Israel te wapas pungchijaisey.
Etu 3jun manu ke release kuridiya tu ekta prisioner swap agreement(matlab etu duita deesh para bi kaid kurikina rakha manu khan ke exchange kurikina release kuribole laga agreement) laga ekta hisa asey. Etu agreement te etu 3jun manu laga bodli te 369 Palestinian prisioner ke azad kuridiya dikhibole asey. Etu agreement tu Israel aro Hamas majotey ekta kamjor ceasefire ke maintain kuribole laga kosis chulithaka te ekta dangor development asey.
Add Comment