Hamas para Blinken laka Gaza ceasefire claim keh criticize kuri shae

August 20, 2024: Hamas senior official Osama Hamdan para U.S Secretary of State Anthony Blinken laka Monday deh dia statement keh criticize kuri shae. Blinken para Israeli Prime Minister Benjamin Netanyahu para ekta updated proposal accept kuri shae kui shae. Hamdan para etu tho najana kan bishi uthai deh kui shae, kile koile “etu tho mukan keh present kura nahoi aro mukan agree kura b nahoi.” Hamdan para Reuters keh Hamas kan puila para he mediators keh confirm kuri nah ase kui shae, “mukan nutun Gaza ceasefire negotiations deh agree nakureh” kui nah aro taikan ekta implementation mechanism deh agree kuri bo lakeh kui shae. Blinken para Netanyahu kan Washington para present kura ekta “bridging proposal” keh accept kuri shae kui shae, ceasefire block kura disagreements kan keh tackle kuri bo karne. Jua hapta ekta ceasefire aro hostage return agreement karne Qatar deh kotha kan tho rukhi jai shae, eku breakthrough napai nah. Hoile b etu hapta resume hobo leh  expect hui nah ase.