January 16, 2024: Monday din deh Hamas kan para ekta video share kuri shae kute tuita Israeli hostage laka body dikai taki shae. Hamas kan para Israel kan Gaza deh bomb pila naruk kile taikan muri b pareh kui nah damki di shae.
Etu nutun video deh kuto Palestinian militant group para release kuri shae, etu deh Yossi Sharabi, 53 aro Itai Svirkst, 38 laka body dikai shae. Video deh ekta third hostage b taki shae kun laka nam Noa Argamani, 26 ase. Tai para tuita tho nijor laka IDF strikes para muri jai shae kui shae. Israeli Defense minister para Palestinian militant kan ‘psychological abuse’ kura karne accuse kuri shae.
Islamist Hamas militant kan para 240 nishi nah manu keh hostage lui shae. Israel para Gaza deh 132 hostage tho Gaza deh ase kui shae aro 25 manu tho duri time deh muri jai shae kui shae. Video deh etu b liki kina taki shae,” Khali taikan keh ki hui shae, etu laka kobor dibo.”
Add Comment