Hamas political chief Ismail Haniyeh keh murai di shae

July 31, 2024: Wednesday din deh, Hamas leader Ismail Haniyeh, nutun Iranian President laka swearing-in attend kura piche deh taike murai di shae, Tehran deh. Gaza-based militant group para tai tho ekta Israeli hamla deh muri jai shae kui ase. Haniyeh, kun 62 sal ase, tai tho Hamas political bureau laka head ase, kuto 2007 para Gaza Strip keh govern kuri nah ahi ase. Tai tho Qatar deh bui taki shae aro President Masoud Pezeshkian laka inauguration deh participate kuri bo karne Tehran keh travel kuri nah taki shae, Tuesday din deh. Photos kan deh tai tho world leaders laka majo deh taki shae, kun kan swearing-in ceremony keh attend kuri taki shae. Hamas para ekta statement deh, Haniyeh tho ekta Israeli attack deh murai di she kui shae, nutun Iranian president laka ceremony keh attend kura piche deh”. Etu piche deh alak kobor kan eku dia nai. Iran laka Islamic Revolutionary Guard Corps (IRGC) para ekta statement deh, Haniyeh tho taila ekta bodyguard lokot deh muri jai shae kui shae, taila Tehran deh taka resident tho hit hua time deh. Haniyeh tho Iran-linked group laka second leader ase, kun muri jai shae. First tho top Hezbollah commander Fuad Shukr taki shae, kun Beirut laka ekta Israeli air strike deh muri jai shae. Shukr tho Hezbollah laka leading military figures taki shae, IRGC tho establish hua piche deh. Haniyeh aro Shukr muri jah tho, Gaza deh taka Israel-Hamas conflict keh aro bia kuri bole chance bishi ase. Especially, taijun b Israeli links deh mura karne, experts para kui shae.