Paris, 20 February : Sat-bar World Champion Lewis Hamilton first time Ferrari laga red outfit te Italy uporot dekhai dise, juntu Formula One laga 10-team season launch majote bishi unexpected aru spectacular event thakise. Itu event Tuesday raat te 15,000 fans laga samne organize kuri dise.
40 saal laga British driver, jun tu Mercedes pora Ferrari te shift kuri dise, ta stage te aahibo dike raat laga shobse dangor cheer paise. Itu event Italian team laga founder Enzo laga birthday logote mili jai thakise.
Hamilton nijor home crowd ke London laga O2 Arena te koyse, “Moi bishi excited aru full of energy feel kuri ase, karon sob notun ase aru moi aage ki ase itu focus kuri ase. Moi bishi proud feel kuri ase itu team laga part thaki bole, karon itu moi jonne ekta notun aru exciting journey ase.”
Duita ghonta laga itu show te British comedian aru host Jack Whitehall gentle fun kuri thakise, aru lights, lasers aru musical performance bhi thakise. Itu majote former boy band Take That aru US country singer Kane Brown bhi performance di dise.
Liberty Media-owned Formula One early evening te announce kuri dise ki ta laga YouTube channel ekta million viewers mark cross kuri dise, jun tu ta laga previous live-event record 289,000 viewers pora dikhise bishi beshi ase.
Add Comment