May 22, 2024 : Noklak district under laga Hanyuk village laga recognition programme loishey, 21st may 2024 tey, Hunyuk village tey, kuntu toh hoiley Deputy Commissioner Noklak, Arikumba, NCS para grace kurishey, tatey Special Guest buhi kena.
Tai laga speech tey, Arikumba para itu citizen khan ke advise kurishey, itu notun para recognise hoa bosti toh, future nimitey plan out kuriboley, itu village laga, collective decision khan para. Tai para tai khan ke itu bhi urge kurishey, itu Government logotey cooperate kuriboley, sob aspect tey, smooth development nimitey. Tai para Government of Nagaland ke thanks janaishey, kind early recognition nimitey, itu village laga aru sob manu khan ke kun khan tai khan laga homoi aru service khan contribute kurishey, itu pursue kuria tey.
Osor bosti laga representative khan bhi kotha kurishey itu occasion tey aru tai khan laga khushi thaka toh share kurishey, itu bosti laga recognition pawa opor tey aru assure kurishey modod kuria baji thakiboley aha din tey, peace aru unity tey ekta bhal future nimitey.
Itu Deputy Commissioner para ekta monolith bhi unveil kurishey, itu programme tey.
Add Comment