Agencies, 04 September: Chennai Super Kings’ spinner Harbhajan Singh toh personal karan nemide hibole laga Indian Premier League para pahar (withdrawn) hoise. Harbhajan toh tournament para olaija second CSK khelari hoise. Etu agae te tournament para pahar olaija toh Suresh Raina thakise. Suresh Raina be personal karan nemide olaija thakise.
Dates janaideya samai para tai khan tournament te hisha lobole opor te rumor (kotha pheli thaka) toh thakise. Harbhajan toh Chennai te Chennai Super Kings logode choi din laga training camp te hisha nalowa thakise aro tai be India para UAE te flight para jaa samai te squad logode thaka nai.
Harbhaja para Fiday din PTI ke koise. “Ami para etu sal laga IPL nemide fesla lowa CSK management ke janaishe. Ami etu dekthari samai te personal karan nemide break lobole fesla korise. Sob manu khan ami laga privacy need te buchibole bhabona kori ase.
Harbhajan Singh toh spinners khan majode CSK bowling attack laga key parts ase. Tusara khan toh Imran Tahir, Ravindra Jadeja, Piyush Chawla aro Karn Sharma ase.
Veteran Indian spinners pahar hobole fesla ola toh agae moina achanak para Raina etu duniya para chara nemide mondukh thaki thaka samai te. Cricket field te be CSK toh Harbhajan laga services miss hobo nesana ase kekaly koile UAE te spin-friendly pitches nemide.
Poila Chennai Super Kings para UAE te training toh suru koribole janaideya thakise kelay koile squad members majode pandemic nemide cases nathaka nemide.
Jowa moina tuita players Deepak Chahar aro Ruturaj Gaikwad ke toh pandemic nemide positi ve ola thakise. Tai khan ke aro test nakora agae te tai khan 14 din isolation kothom koribole ase. Indian Premier League alga 13th edition toh September 19 direk te suru kori bole ase.
Add Comment