June 8, 2024: Ekta maike keh saph laka baet pitor deh pai shae, saph para taike pura kai dia piche deh. Etu incident tho central Indonesia deh hui shae, ekta local official para kui shae. 45 sal laka Farida lah husband aro Kalempang bosti laka residents kan, taike reticulated pyhton laka pitoe deh pai shae, Friday din deh. Python tho 5 meters (16 meet) taki shae.
Chartha bacha laka ama tho Thursday rati deh hari jai shae aro wapas ghor deh aha nai. Enaka hua tho bisari bole laki jai shae, village head Suardi Rosi para AFP keh kui shae.
Taila husband para taila saman kan pah tho, taike suspicious banai di shae. Bosti manu kan para jaka tho bisari shae. Olop taki nah taike, ekta python laka baet deh pai shae,” Suardi para kui shae. “Taikan, python laka baet tho kati bole acha kuri di shae. Kura lokot, Farida laka matha tho diki bole pari shae.” Farida tho pura kapra lakai nah, sap laka pitor deh pai shae.
Enaka nishi nah incidents kan tho bishi rare ase hoile b Indonesia deh kunba manu kan enaka muri ase, python para kha piche deh. Jua sal deh b, Southeas Sulawesi laka Tininggea district deh taka manu kan para ekta eight metre python keh murai di shae. Python tho bosti deh taka ekta farmer keh duri nah khai taki shae.
Add Comment