Hari Jai Kena Thaka Youth Laga Body Toh Retrieve Kurishey, Doyang Nodi Tey Para

July 07, 2024: Itu 25 saal ekta chukra laga body, kun toh hoiley hari jai kena thakishey, Dzüvürü stream para pani para loi jai kena thakishey, June 27, 2024 tey hari kena thaka toh hoiley dus din pcihetey retrieve kuri loishey koishey, maas mara manu khan para, Pangti bosti para, Doyan Dam tey para, July 6^th 2024 tey. Itu District Disaster Management Authority (DDMA) laga nodal officer- L Jonjibemo Odyuo laga hisap tey, itu body toh hoiley 1:00 Pm phaney retrieve kurishey, itu Tzuza Erya area tey para, Phodong Resort osor tey, Doyan Dam tey. Itu toh hoiley report kurishey ki, extensive para bisara kuria toh conduct kurishey, authority khan aru volunteer khan para, alag alag bosti khan para, hoilebi bisari kena napai kena thakishey. Eneka thakilebi, July 06^th 2024 tey fisherman khan para inform kurishey, itu authority khan ke, ki, ekta corpse (murai manu) ke dikhi paishey koi kena, Doyang Dam tey. Pichetey, itu official khan para confirm kurishey ki, itu body toh hoiley itu hari kena thaka chukra thakishey koi kena confirm kurishey, kun toh hoiley Rendemo Odyuo koi kena jani pai thakey, naam toh.