New Delhi, 16 August 2025: Supreme court of india 19 august te ekta plea hunibo, juntu ekta sevayat (priest) historic maa chandi devi temple, haridwar pora file kuri ase. Etu plea challenge kuri ase recent Uttarakhand high court order ke, juntu badri kedar temple committee (bktc) ke ekta receiver appoint kuribole direct kuri dikhishe temple manage kuribole karone.
Ekta bench justices Ahsanuddin Amanullah aru S. V. N. Bhatti lead kuri thaka, 28 july te Uttarakhand government ke notice issue kurishe, dui hapta bitor response dibole lage koi kina. Supreme court clear kuri dishe ke BKTC pora kunba decision final verdict upor depend kuribo.
Etu plea Mahant Bhawani Nandan Giri pora, advocate Ashwani Dubey laka maddhat te file korishe. Tai laka argument ase ke high court control transfer kuri dishe kunba evidence, complaint, nohoile hearing chara. Ekta panel district magistrate aru senior superintendent of police milai kina, 2012 pora appoint kuri thakishe, temple effectively manage kuri thakibo koi kina plea mention korishe.
Aro bhi, Giri laka petition claim korishe ki je order pass kuri dishe unrelated bail hearing majot, juntu tai hisab te natural justice principle violate korishe, karon ta ke kotha kuribole dia nai.
8th century te Jagadguru Sri Adi Shankaracharya pora establish kuri thaka temple, Giri laka ancestors generation pora manage kuri kina he ase. Sevayat argue kurishe ke kunba mismanagement nai, aru high court laka decision arbitrary, unfair aru proper notice chari kina kura ase.
Upcoming hearing decide kuribo je high court laka order receiver appoint kuribole thakibo naki stay kurijabo.
Add Comment