Melbourne, 8 November : Captain Harmanpreet Kaur ekla India laga player ase junke 50-khiladi shortlist te rakha ase Women’s Big Bash League (WBBL) Team of the Decade karone, jun Thursday te release hoishe. WBBL laga 10-saal history te sobse bhaal khiladi ke itu season te honour koribo, aru Big Bash ekta official Team of the Decade announce koribo. Right-handed Indian batter Harmanpreet Kaur WBBL te abhi tak 62 matches khelishe Sydney Thunder aru Melbourne Renegades karone. Tai 1440 runs maarishe average 37.89 te, aru sathta half-centuries bhi banai she. Itu list te bhi thake juntu khiladi khan minimum 60 WBBL matches kheli she itu season suru hoboley agey te.
Big Bash ekta selection panel banai se expert logot, jun 12 khiladi select koribo karone difficult faisla loi ase. Cricket Australia Director Clea Smith panel ke chair koribo aru panel te ase Mel Jones, Lisa Sthalekar, Matthew Mott, Quentin Hull, Laura Jolly aru Alistair Dobson.
Fans bhi chance pai jabole Team of the Decade vote koribo karone, jun public vote panel laga selection logot equal rakhi jabo. Public voting November 11-24 te Big Bash App te open hobo. Panel public vote aru apni selection combine korikina final 12-khiladi team December 1 te WBBL 10 Final te announce koribo.
Add Comment