Harmanpreet Singh, Savita Punia para men’s and women’s HI player of the year award jitisey

New Delhi, March 16: India laga hockey team laga captain Harmanpreet Singh para men’s category te aro senior goalkeeper Savita Punia para women;s category te Saturday din te  Hockey India Babir Singh Senior Player of the Year award jitisey. Harmanpreet para India ke lagatar second bar 2024 Paris Olympics te India ke bronze medal jitaidisey. Tai tu utu team laga hisa bi thakisey kun Tokyo Games te bronze paisiley. Savita para Indian team te ekta jarurri role nibhaisey kuntu toh Tokyo Olympics te olop karney bronze medal panai. Taikhan tu Great Britain logotey third-place nimitey khela match te harijaisey. Tailaga achievement te add kruikina, Savita para 2024 laga Hockey India Baljit Singh Goalkeeper of the Year award bi jitisey. Savita para etu izzadar award tu third bar jitiasey. Hockey India Annual Awards laga seventh edition tu Indian hockey laga 100 years ke celebrate kuribole aro 1975 te Kuala Lumpur te first time World Cup jita laga yaad te organize kurisiley. 1975 laga Men;s World Cup jita squad ke Hockey India Major Dhyan Chand Lifetime Achievement Award logotey somman kurisiley. Abhishek tu Forward of the Year laga title paisiley aro Hardik Singh tu Midfielder of the Year award paisiley. Best Defender of the Year title tu Amit Rohidas ke disiley. Under-21 category te, Araijeet Singh Hundal para Jugraj Singh Player of the Year(Men’s) award jitisey aro Deepika tu women’s category te Player of the Year award paisey. Etu grand event te dusra khan majotey poila laga sports minister Kiren Rijiju, Hockey India president Dilip Tirkey, HI secretary general Bhola Nath Singh mojud thakisey.