Harpreet, Sachin duitah bronze paishe aro, India laka GR contigent pastah medals paishe.

Sachin Sahrawat aro Harpreet Singh bronze medal paishe Wednesday din teh India’s Greco Roman contigent  tai laka second best show Asian Championship teh pastah medals jetishe.

67kg category teh, Sachin para bronze play-off teh ageh thakishe aro Uzbekistan laka Mahmud Bakhshilloev khebo haraishe.

Etu toh tai laka quarterfinal etu nishena hareh piche ase Meiirzhan Shermakhanbet Kazakhstan laka haat teh. Harpreet (82kg) medal  paboleh gao olop bi heleh nai kileh maneh tai laka rival Qatar laka Jafar Khan M Khan kheliboleh ahehnai jokom khaina thaka karneh.

Et medal jetina thaka Sachin aro Harpreet karneh, India khan pastah medals paishe Greco Roman event championship teh. 2020 edititon teh, India khan ektah gold jetishe aro chartah bronze medal Delhi teh.

Championship laka opening day Tuesday teh, Sunil Kumar (87kg), Arjun Halakurki (55kg) aro Neeraj (63kg) bronze jetishe.Wrestling Federation of India (WFI) kuishe tai khan country laka Greco Roman wrestlers karneh sparring partner bahar para anibo national camp teh aro tai khan laka performance bhal huboleh dibo kuishe.

Etu medal jetiboleh karneh takot Japan, Iran aro Kazakhstan ase field teh. Wrestlers khan  bhal training partners bahar para aniboleh kuishe aro taiu khan etu Championship piche teh pabo kuishe WFI Assistant Secretary Vinod Tomar para PTI khe kuishe.

Tai khan Indian coaches khe kuishe training program cmaps teh kuribo lageh. Tai khan etia foreign coach hire nakuribo kuishe. Hodai practice camp teh kurah karneh etu saal laka result paishe kuishe. 60 kg teh Gyanendra tai laka bronze play-off harishe technical superiority Japan Ayata Suzuki laka haat teh.

72 kg teh Vikas quarterfinal laka ageh jaboleh napara huishe, tateh tai technical superiority Uzbekistan laka Mirzobek Rakhmatov laka haat teh harishe. Ravi, 97kg teh khelina thaka eki stage teh harishe. Tai laka last-eight clash 1-3 teh Kyrgyzstan laka U Dzhuzupbekov teh harishe.

Women’s wrestling Thursday para shuru huishe. India karneh World Championship bronze winner Sarita Mor 59 kg teh khelibo.