Harris-Beyonce team-up Vs Trump laka Joe Rogan podcast push

October 26, 2024: Friday din deh Vice President Kamala Harris, Beyonce laka hath para ekta high-voltage motot pai taki shae. Beyonce tho, Republican Texas jaka para battleground voters keh ekta message di taki shae.Tai char sal karne office deh taka time deh, Trump para 1 century laka kam tho hatai di shae, tai Supreme Court Justices keh appoint kuri nah, Harris para kubo,taila speech laka excerpts isap deh. “Aro tai itia aro dur jab oleh mun jai. Mui clear taki bo mun jai.: Donald Trump aro ekbar jiti shae koile tho, tai pura nation deh abortion ban kuri di bo,” Harris para kobo, taila excerpts isap deh.Alak side deh Trump b Friday din deh Texas deh taki shae. Tateh tai para tai election jita piche deh United States para deport hua manu laka records tho tai bangai dibo kui shae. Tai Joe Rogan lokot deh ekta podcast karne ahi shae. Etu interview tho teen kanta nishi nah taki shae. Etu interview tho Joe Rogan laka social platform kan deh available ase.