New York, 27 February : Veteran actor John Lithgow HBO laga upcoming Harry Potter TV series te Professor Albus Dumbledore role te cast hoa laga confirmation di dise.
Screen Rant logote interview te, Lithgow koi dise ki itu offer tai karone ekta surprise thakise aru tai janai dise ki itu role loibi le bishi dangor commitment lage. Tai koi dise, “Itu laga karone, moi laga life laga last chapter te itu role ke define kuri dibo, moi bhoy pai ase.”
79 saal pura hoa pora, Lithgow hobo Hogwarts Headmaster laga role te thaka oldest actor. Itu series J.K. Rowling laga seven novel ke ekta ekta season te adapt kuri jabo, aru itu project 2033 tak extend hobo nishna ase. British writer Francesca Gardiner ke showrunner hisab te announce kuri dise, aru HBO 2026 te release plan kuri ase.
Albus Dumbledore character itu age Harry Potter film adaptation te Richard Harris portray kuri thakise, aru Harris mori jabija kaan, Michael Gambon itu role te aahi thakise. Lithgow laga casting itu character te notun dimension anibole ase, aru fans khan tai laga interpretation dekhikena excited ase.
Aru report hisab te, British actor Paapa Essiedu ke Professor Severus Snape role karone consider kuri thakise. I May Destroy You te tai laga performance pora jani thaka, Essiedu ke itu role offer kuri dise nishna ase, but official confirmation eku nai.
Itu Harry Potter TV series ahikan pre-production te ase, aru filming 2025 summer te Warner Bros. Studios Leavesden, U.K. te shuru hobo. Casting laga announcement ahibi le excited ase, aru itu notun adaptation karone anticipation bishi barijai ase.
Add Comment