New York, 14 April : Ekta notun generation laga baccha khan etiya Harry Potter laga dunia logot introduce hobo, karon HBO ekta web series banai thakise. Variety report hisab te, HBO Monday din official actors announce korise — juntu popular character khan jemon Albus Dumbledore, Severus Snape, Minerva McGonagall, Rubeus Hagrid aru onno character portray koribo.
Report confirm korise ki fans khan guess kori thaka kichu actors toh ase, kintu ekta duita notun naam bhi ase. John Lithgow, juntu The Crown te kaam kori thakise, tai Dumbledore role loise. McGonagall role loi ase Janet McTeer, Snape hobo Paapa Essiedu from Gangs of London, aru Hagrid role loi ase Nick Frost from Shaun of the Dead. Etu actor khan age se show karone discussion te ase buli report aahise. Surprise addition modot ase Luke Thallon as Quirinus Quirrell aru Paul Whitehouse as Argus Filch.
Idu hoise first officially confirm kora actor khan for HBO laga Harry Potter web series. HBO ekta open casting call launch korise main roles — Harry Potter, Ronald Weasley aru Hermione Granger karone, juntu te more than 30,000 submissions aahise.
Series tu Brontë Film and TV aru Warner Bros. Television logot milik banai thakise. Francesca series tu likhi thakise, executive produce korise aru showrunner bhi ase. Mark multiple episodes direct koribo aru executive producer bhi hobo. Rowling, Neil Blair, Ruth Kenley-Letts (Brontë Film and TV) aru David Heyman (Heyday Films) bhi executive producer hisab te thakibo.
Harry Potter fans khan karone etu ekta dangor khobor, notun version, notun faces, kintu old magic wapas loi ahi ase.
Add Comment