New Delhi: Yoga guru Ramdev’s Patanjali para Covid-19 bemar nemite ayurvedic tawai Coronil olaikena thaka toh Haryana government para bemari manuh khan ke free Covid kit deya te samil korishe. State minister Anil Vij para koishe ke, 1 lakh neshina Coronil kits toh bemari manuh logot free para thibo. Tai para koishe ke, Coronil kits laga atha daam toh Patanjali para atha aro government’s COVID Relief Fund para atha korishe. Haryana te COVID bemari manuh khan ke 1 lakh Patanjali Coronil kits toh free para thiboli ase. Coronil laga daam toh atha Patanjali aro atha Haryana government’s COVID Relief Fund para thibo,” koikena Vij para khobor toh janaishe. Coronil kit toh jowa saak June 23 darik te olaishe, etu pithor te tinta(3) items- Coronil tablets, Swasari Vati aro Anu Taila samil ase. Ramdev para koishe, Patanjali toh government logot melikena kam korboli monjur ase etuu nemite dosura states logot be etu neshina kam koriboli janaishe. Haryana state te rural jaga te bemari cases besi othi ase. Monday din te 95 manuh neshina mora khobor paishe, etu melaikena state te 7,607, manuh morikena ase aro 3,757 notun cases thura te sob melaikena bemari cases toh 7,41,785 te ase. Sob melaikena active cases toh 38,119 ase aro itya dak te 6,96,059 bhal hoikena ase. Positivity rate toh 8.52 per cent ase aro bhal howa rate toh 93.84 per cent ase. Etu samai, State minister Anil Vij para koishe ke, pressure swing adsorption (PSA) oxygen plants toh Centre logot melaikena 8 districts te kuliboli ase koishe.
Haryana govt: Bemar manuh ke Coronil kits free te dibo
