HARYANA: Khobor hesab te Friday din te Indian Army, National Disaster Response Force (NDRF aro district administration para pondoro (15) moina bacha chokora ke bachaishe. Khobor hesab te bacha toh borewell te geri jai kena thakishe. Bacha ke bachabole laga kosis toh 48 ghonta tok chulishe. Etu bachabole laga kaam te Haryana laga Hisar district te thaka bosti manu khan para bhi modot kurishe.
Nadeem toh Wedesday din te Balsamand bosti te thaka 54-feet gehera (deep) borewell te geri jaishe. Etu ghatna toh bacha kheli thaka samay te hoishe. Etu huwa logote he bacha ke bachabole laga kaam toh suru kuri dishe.
Add Comment