Haryana te alak-alak Metro Station notun naam dedese

CHANDIGARH, SEPTEMBER 14 : Haryana Chief Minister Mahohar Lal Khattar pora Thursday din tai kan state laga alak-alak Metro Station kan ke notun naam dedebole kotha janaise. Etubi Bahadurgarh pora Mundka Metro line dak laga aro Mujesar pora Ballabhgarh Metro Corridor dak laga kan.Khobor hisabte Modern Industrial Estate Metro Station toh Pandit Shree Ram Sharma Metro Station hisabte botli kuridese, Bus Stand Metro Station toh Bahadurgarh City Metro Station te aro City Park Metro Station toh Brigadier Hoshiar Singh hisabte botli kuridese koise. Aro tusera kan kobi Mujesar (YMCA Chowk) toh Ballabhgarh Metro Corridor hisabte naam botli kuridese, NCB Colony Metro Station toh Sant Surdas (Sihi) Metro Station aro Ballabhgarh Metro Station toh Raja Nahar Singh Metro Station nemite botli kuridese koise.Haryana Chief Minister porabi tai kan Sorkar pora Faridabad manu kan nemite ki-ki bhal te banabole karne Faridabad Metro Development Authority (FMDA) anedebole janaise. Etubi Gurugram Metro Development Authority (GMDA) nesena.