Haryana te Fake Fuel Plant te 2 jun thurishe

Sirsa, Haryana: Haryana Police para Sirsa district te fake fuel manufacturing unit ekta te tui(2) jun manuh samil thaka ke thurishe, koikena para janaishe. Etu jaga te police para 75,500 litres neshina fake diesel thurishe. Police logot khobor powa nemite etu jaga te jaikena tankers drums, diesel nozzle machine aro tuita(2) motors shifting diesel te jola thaka toh thurishe. Police para aro Rs ,11,360 cash be thurishe koishe. Etu tui(2) laga nam toh Salesman Deepak, Adampur jaga manuh aro Ramesh, Rajasthan manuh ase koikena jenishe. Haryana Police para khobor toh janaishe ke, etu manuh khan para fake diesel toh base oil, paraffin aro mineral turpentine oil logot melaikena thaka toh tai khan laga godown te paishe. Primary investigation kora hesab te aro tui(2) jun manuh samil ase koishe.  Etu manuh khan oper te case registered korishe aro itya investigation jai thakishe, koikena khobor para aro janaishe.