Haryana te September 6 dak Covid lockdown othishe

Chandigarh: Sunday din Haryana government para Covid lockdown toh aro othaishe aro konuba jaga te relaxation thakai toh jai thakiboli koishe. Etu relaxation pithort te restaurants, bars, malls, clubhouses aro shops kuliboli janaishe. “Mahamari Alert-Surakshit Haryana aro aro August 23 darik 5 am para September 6 darik 5 am dak aro extend korishe. Haryana state te etu samai guideline alag-alag bonaikena puila order te janaishe,” koikena Sunday Chief Secretary, Vijai Vardhan para khobor toh janaishe. Etu order toh Disaster Management Act, 2005 laga-alag hokom te power toh janaishe. Dosura relaxtation mania toh universities, institutes nahoiile government departments aro recruitment agencies toh kam jai thakibo. Universities aro colleges toh Students nemite aro kulikena laboratories te practical classes, practical examinations aro offline exams toh Covid-19 hoshari neum te jolaboli puila order te junaikena ase. State te universities laga Vice-chancellors para janaishe ke, next academic session nemite universities kuliboli bapana kori ase aro etu samai programme toh state government para departments logot share koriboli koishe. 5 strategy nemite sai thakibo aro COVID-19 bhal para kam jabo nemite te test-trace-track-vaccination aro Covid hoshari neum toh jolaboli lage koikena puila order para janaishe. State government para lockdown toh “Mahamari Alert-Surakshit Haryana (Epidemic Alert-Safe Haryana)” nam te janaishe aro etu May 3 darik 2021 te bona ase aro etu samr toh hotai hafta samai-samai te othai thakishe. Hoilebi, August 9 darik para aro lamba korishe.